Avtomobil dvigatelini yuvish kerakmi: foyda va zarari

Ko‘pchilik dvigatelni yuvish shart emas deb hisoblaydi, chunki u ko‘zga tashlanmaydi. Ammo tozalangan dvigatel uzoq xizmat qiladi, qimmat ta’mirdan saqlaydi va hatto yong‘inning oldini olishi mumkin.

Nega dvigatelni yuvish kerak?

- yashirin oqishlar: yog‘ va antifriz izlarini o‘z vaqtida ko‘rish qiyinlashadi;

- qizib ketish: chang va ifloslik issiqlik almashinuvi jarayonini yomonlashtiradi;

- elektr tizimi muammolari: simlarda hosil bo‘lgan ifloslik elektr oqimi yo‘qotilishiga va sensorlarning noto‘g‘ri ishlashiga olib kelishi mumkin;

- yonish xavfi: yog‘ dog‘lari va qurigan barglar dvigatel yong‘inini keltirib chiqarishi mumkin;

- korroziya: tuzli reaktivlar zanglash jarayonini tezlashtiradi.

Dvigatelni o‘zingiz yuvsangiz bo‘ladimi?

- Ha, ammo ehtiyotkorlik bilan yuvilishi shart. Kerakli jihozlar:

- Ikki chelak suv;

- himoya plyonkasi va skotch;

- shchetka, gubka va yumshoq tozalagich;

- quritish uchun kompressor.

Muhim qoidalar: akkumulyatorni uzish, elektr qismlarni plyonka bilan yopish, kuchli suv bosimidan foydalanmaslik va dvigatelni to‘liq quritish muhimdir.

Mutaxassislarga topshirsangiz nima bo‘ladi?

- tejamkor usul – tez va yuzaki yuvish;

- dvigatel detailingi – maxsus himoya qoplamalar bilan chuqur tozalash;

- an’anaviy qo‘l bilan yuvish – ehtiyotkor yondashuv va maksimal natija;

- quruq bug‘ bilan tozalash – suv ishlatmasdan, xavfsiz va samarali usul.

To‘g‘ri yondashuv bilan dvigatel yuvish faqat foyda keltiradi!