O‘zbekistonda Leapmotor elektromobillari importi to‘xtatildi

O‘zbekiston texnik jihatdan tartibga solish agentligi Leapmotor C16 modeli elektromagnit xavfsizlik talablariga javob bermasligi sababli ushbu brend avtomobillarining sertifikatsiya va import jarayonini vaqtincha to‘xtatdi.

Tekshiruv natijalari:

- 44-band (BMT Qoidasi №10) bo‘yicha muvofiqliksizlik – elektromagnit shovqinlar mavjudligi;

- elektronika xavfsizligi – avtomobil tizimlarining ishlashida muammolar yuzaga kelishi mumkin;

- xavfsizlik talablari – ayrim funksiyalar ishdan chiqishi ehtimoli borligi aniqlangan.

Mutaxassislar aniqlangan kamchiliklarni bartaraf etish zarurligini ta’kidlab, Leapmotor brendining M1 toifasidagi avtomobillariga sertifikat berish vaqtincha to‘xtatilganini ma’lum qildi.