Toshkentdagi pullik avtoturargohlar: joylashuvi va narxlari

25-noyabr kuni elektron auksionda Toshkent shahrida pullik avtoturargohlarni tashkil etish bo‘yicha tenderda O‘zbekiston-Yaponiya qo‘shma korxonasi Balcomuz g‘olib chiqdi.

Kompaniya avtoturargoh maydonlarini yillik ijara uchun 120,15 mlrd so‘m taklif qildi, bu boshlang‘ich narx — 57,2 mlrd so‘mdan ikki baravar ko‘pdir.  Toshkentda 86 ta hudud, 111 km yo‘l bo‘ylab pullik avtoturargoh tizimi joriy qilindi. 

Shahar markazidagi ko‘chalar bo‘ylab va barcha yirik bozorlar (Oloy, Kasalxona, Qo‘yliq, Parkent, Farhod, Kadisheva va boshqalar) atrofidagi avtoturargohlar endi pullik bo‘ladi.  

Narxlar:

1-zona — 12 000 so‘m / soat  

2-zona — 10 000 so‘m / soat  

3-zona — 8 000 so‘m / soat  

4-zona — 6 000 so‘m / soat  

5-zona — 5 000 so‘m / soat  

Bu tizim transport oqimini tartibga solish va shahar markazidagi tirbandlikni kamaytirish maqsadida joriy etilgan.