Damas zavodida yangi avtomobil ishlab chiqarilishi boshlanadi

Xorazm viloyatida joylashgan Damas va Labo avtomobillari yig‘iladigan zavodda yangi yetti o‘rinli avtomobil ishlab chiqarilishi rejalashtirilmoqda. Ushbu avtomobil ekologik toza bo‘lib, «Euro-5» standartlariga mos keladi.

Loyiha doirasidagi sarmoyalar hajmi $100 mlnni tashkil qiladi. Ishlab chiqarish 2026-yilda yirik uzelli yig‘ish (SKD) bosqichida yo‘lga qo‘yiladi. 2027-yildan esa avtomobilni to‘liq ishlab chiqarish va 50% gacha mahalliylashtirish darajasiga chiqish ko‘zda tutilgan.

Yangi loyiha O‘zbekistonda avtomobil sanoatini rivojlantirish va ichki bozorni zamonaviy transport vositalari bilan ta’minlash yo‘lidagi muhim qadam bo‘lishi kutilmoqda.