Yangilangan Chevrolet Bolt yangi dizaynda taqdim etiladi

Uchinchi avlod Chevrolet Bolt – uzoq kutilgan byudjet elektromobili 2025-yilda taqdim etiladi. Model yangi dizayn va zamonaviy jihozlar bilan jihozlanadi.

Chevrolet Bolt 2026 Nissan Leaf xaridorlarini o‘ziga jalb qilishga harakat qiladi. TALK WHEELS kanali avtomobil dizayn variantini namoyish etdi, biroq rasmiy ma’lumotlar hali oshkor qilinmagan. Dastlab Chevrolet faqat Bolt EUV krossoverini taklif qiladi deb o‘ylangan edi. Endi esa Bolt nomi ostida bir nechta model bo‘lishi kutilmoqda.  

Yangi Chevrolet Bolt AQShning Kanzas-Siti shahridagi zavodda ishlab chiqariladi. Elektromobil litiy-temir-fosfat (LFP) akkumulyatori bilan jihozlanadi, bu esa ishlab chiqarish jarayonini tezlashtirib, avtomobil narxini kamaytirishga yordam beradi. Kutilayotgan boshlang‘ich narx – $30 mingdan kam. Kelajakda undan ham arzon Bolt modeli taqdim etilishi mumkin, lekin hozircha uning narxi e’lon qilinmagan.