Skoda Karoq Edition modelini taqdim etdi

Skoda bir nechta versiyada Karoq Edition modelini taqdim etdi, ular ko‘proq standart jihozlarga ega bo‘ldi.

Yangi SE Edition, SE L Edition va SportLine Edition komplektatsiyalari endi old o‘rindiqlarni isitish, isitiladigan rul va orqa ko‘rinish kamerasini o‘z ichiga oladi. SE L Edition va SportLine Edition versiyalarida — 9,2 dyuymli sensorli multimedia tizimi o‘rnatilgan. 

SportLine Edition modeli shassini dinamik boshqarish tizimi (DCC) bilan jihozlangan. SE Edition va SE L Edition modellarida 114 ot kuchiga ega 1,0 litrli benzinli dvigatel va mexanik uzatmalar qutisi bor. 

SE L Edition uchun 148 ot kuchiga ega 2,0 litrli dizel dvigatel va to‘liq g‘ildirakli tizim taklif etiladi. SportLine Edition modeli esa — 187 ot kuchiga ega 2,0 litrli benzinli dvigatel, DSG avtomat uzatmalar qutisi bilan jihozlangan.

Birinchi yetkazib berishlar esa noyabr oxirida kutilmoqda. Narxlar — $32 mingdan boshlanadi.