O’zbekistonda jarimalar narxi yanada ko’tariladi

Prezident Shavkat Mirziyoyev ish haqi, pensiya, stipendiya va nafaqalarni oshirish to‘g‘risidagi farmonni imzoladi.

Hujjatga muvofiq, 2026-yil 1-sentabrdan boshlab bazaviy hisoblash miqdori (BHM) 440 ming so‘m etib belgilanadi. BHM oshishi bilan unga bog‘langan barcha to‘lovlar ham avtomatik ravishda qimmatlashadi.

Haydovchilar uchun bu yo‘l harakati qoidalarini buzganlik uchun jarimalar, avtomobilni ro‘yxatdan o‘tkazish, texnik pasport va davlat raqam belgilarini rasmiylashtirish, haydovchilik guvohnomasini olish yoki almashtirish, ishonchnoma rasmiylashtirish, oynalarni qoraytirish (tonirovka) uchun ruxsatnoma hamda boshqa davlat yig‘imlari narxi oshishini anglatadi.

Yangi BHM amaldagisiga nisbatan qariyb 7 foizga oshirilmoqda.