O‘zbekistonda “chiroyli” avtomobil raqamlarini birja orqali sotish bekor qilinadi

O‘zbekistonda avtomobil raqamlari bo‘yicha tartib o‘zgaradi. Endilikda “chiroyli” davlat raqam belgilarini O‘zbekiston respublika tovar-xomashyo birjasi orqali auksionda sotish to‘xtatiladi.

Hukumat qaroriga ko‘ra, 1-oktabrdan boshlab bunday auksionlar butunlay bekor qilinadi. Oldin sotilmagan “chiroyli” raqam kombinatsiyalari esa yangi tartib asosida taqsimlanadi:

—1–3 toifa raqamlar Uzavtomotobelgi korxonasi orqali yagona oshirilgan tarif bo‘yicha sotiladi;

—4–6 toifa raqamlar esa amaldagi tartibda, qo‘shimcha tariflarsiz avtomobil egalariga beriladi.

Bu o‘zgarishlar O‘zbekistonda avtomobil raqamlari savdosini yanada shaffof qilish hamda haydovchilar uchun qulay sharoit yaratishga qaratilgan.