UzAuto Motors Chevrolet Cobalt savdosini boshlaydi

UzAuto Motors Chevrolet Cobalt GX-Style AT Plus va Chevrolet Cobalt GX-Midnight avtomobillarini sotuvga chiqaradi.

Ushbu avtomobillar oldindan tuzilgan, ammo to‘lanmagan shartnomalar sabab talab qilinmagan. Shartnoma tuzish 11-dekabr kuni ochilishi rejalashtirilgan. 

Sotuv faqat savdo.uzavtosanoat.uz saytida joylashgan UzAuto Savdo onlayn-platformasi orqali amalga oshiriladi. Xaridorlar shartnoma tuzilganidan keyin yetti kun ichida to‘liq to‘lovni amalga oshirishlari kerak bo‘ladi.

Navbatni kuzatish va avtomobillar mavjudligi haqida yangiliklarni olish uchun Telegram-bot va UzAvtosavdo mobil ilovasidan foydalanish mumkin.