Rossiyada yangi Volga C50 va K50 rasmlari namoyish etildi

Nijniy Novgorodda Volga C50 va Volga K50 brendi ostidagi yangi modellar ko‘zga tashlandi.

Volga C50 sedani Geely Preface’ning mahalliylashtirilgan versiyasidir. U 150 yoki 200 ot kuchiga ega 2,0 litrli turbomotor va 7 pog‘onali robotlashtirilgan uzatmalar qutisi bilan jihozlangan.

Volga K50 krossoveri, o‘z navbatida, Geely Monjaroga asoslangan bo‘lib, 238 ot kuchiga ega 2,0 litrli dvigatel, klassik 8 pog‘onali avtomat va to‘liq privod tizimiga ega.

Eslatib o‘tamiz, avvalroq brend K50 krossoveri va C50 biznes sedanini taqdim etgan edi. Ishlab chiqaruvchi faol va passiv xavfsizlikni ta’minlaydigan zamonaviy texnologiyalardan foydalanishga alohida e’tibor qaratadi.

Haydovchining elektron yordamchilari, massaj va xotira funksiyasi, haydovchi va yo‘lovchi o‘rindiqlari, old o‘rindiqlarning ventilyatsiyasi mavjud. Yangi avtomobillar qatori 2026-yilning yozida bozorga chiqishi kerak.