Elektr krossover Leapmotor C16 yangilandi

Leapmotor C16 elektromobili ilk OTA-yangilanishini oldi, bu esa unga 22 yangi funksiyani qo‘shdi.

Ushbu yangilanish orqali ovozli parkovka, mikrofonsiz karaoke va qiyalikda yordamchi kabi funksiyalar qo‘shildi. Shuningdek, ovozli boshqaruv va aqlli haydovchi tizimlari kabi 17 ta funksiyalar ham yaxshilandi. Endi foydalanuvchilar mikrofonsiz karaoke funksiyasidan foydalanib, ekrandan bevosita qo‘shiq kuylashlari mumkin. APA ovozli parkovka qo‘shildi, bu esa ekrandagi tugmalarni bosmasdan joy tanlash imkonini beradi.

Yuklab olish uchun o‘rnatilgan brauzer ham qo‘shildi. Vidjetlar to‘rttadan to‘qqiztagacha kengaytirilib, ob-havo, taqvim va shinalar bosimi kabi yangi vidjetlar qo‘shildi. Funksiyalar xaritasi ilovasi esa avtomobilning mavjud funksiyalari haqida ma’lumot beradi. Ekranni bo‘lish funksiyasi ham qo‘shildi, bu orqali navigatsiya va boshqa ilovalarni bir vaqtning o‘zida ishlatish mumkin.