Yangi Lexus ES 2025 avtomobilining jonli suratlari e’lon qilindi

Internetda Lexus ES 2025 sedanining jonli suratlari paydo bo‘ldi – avtomobilni kamuflyajsiz, ehtimol, rasmiy premera joyiga yetkazish jarayonida suratga olishgan.

Avtomobil yangi Z-shaklidagi kunduzgi yoritish chiroqlariga ega faralar, yangi bamper va fonarlarni bog‘lovchi LED ko‘prik bilan jihozlangan. Suratlarda 300h versiyasi aks etgan – bu oddiy (plug-in emas) gibrid model.

Dvigatel Camrydagi kabi bo‘lishi mumkin – 2,5 litrli benzin dvigateli. Quvvati – 228 yoki 235 ot kuchiga ega, bu old yoki to‘liq yuritishga qarab o‘zgaradi. Yangi Lexus ES premerasi qachon bo‘lib o‘tishi noma’lum, biroq avtomobilni asosiy bozorda – noyabr o‘rtalarida Guanchjou avtosalonida, Xitoyda namoyish qilishlari mumkin.