Li Auto’ning elektr krossoveri krash-testda eng yuqori bahoni oldi

Xitoy Avtomobil Xavfsizligi Sug‘urta Instituti (C-IASI) sinovlarining yangi natijalari e’lon qilindi.

Testdan o‘tgan modellar orasida Li Auto i8 yo‘lovchilar va piyodalar xavfsizligi, shuningdek qo‘shimcha xavfsizlik bo‘yicha G+ (eng yuqori baho) bilan baholandi. Yangi energiya manbalariga ega avtomobillar indeksi bo‘yicha model G bahosini oldi.

25 foizlik siljish bilan (64 km/soat tezlikda) o‘tkazilgan to‘qnashuv sinovida kuzovning old ustuni deformatsiyalanmadi, barcha xavfsizlik yostiqchalari o‘z vaqtida ishga tushdi va jiddiy jarohatlar qayd etilmadi. 50 foizlik qoplash bilan frontal va yon zarba sinovlari 50 km/soat tezlikda o‘tkazildi va avtomobil konstruktsiyasi xavfsizlik me’yorlariga mos bo‘ldi.

Haydovchiga yordam beruvchi tizimlar sinovida avtomatik favqulodda tormozlash (AEB) va yo‘lakda ushlab turish funksiyalari muvaffaqiyatli ishladi. Natijada Li Auto i8 ushbu indeksda ham G+ bahosini oldi.

Li Auto i8 — 2025 yilda taqdim etilgan, 6 o‘rindiqli salon, ilg‘or yordamchi tizimlar va katta yurish zaxirasiga ega bo‘lgan to‘liq elektr (BEV) premium krossover hisoblanadi.