O‘zbekistonda mashhur bo’lgan BYD Yuan Up Yevropada $41 700 ga sotiladi

BYD Barselonada Atto 2 DM-i krossoverini taqdim etdi. Bu Xitoyda mashhur BYD Yuan UP elektr krossoverining gibrid versiyasidir. Kompaniya ma’lumotlariga ko‘ra, DM-i gibrid tizimi toza elektr energiyasida 90 km gacha yurish masofasini ta’minlaydi, maksimal yurish masofasi esa 1020 km ga yetadi. Ispaniyada Active versiyasi $38,2 ming yevroga, kuchliroq Boost versiyasi esa $41,7 ming yevroga baholangan.

Gibrid elektr versiyasidan IYODni yaxshi sovutish uchun radiatorning katta panjarasi, yangilangan logotipi va eksklyuziv ko‘k rangi bilan ajralib turadi. Avtomobilning uzunligi taxminan 4,3 m.

Atto 2 DM-i salonida 12,8 dyuymli sensorli ekran o‘rnatilgan. Shuningdek, ekoteridan yasalgan o‘rindiqlar, panoramali tom, atmosfera yoritgichi, smartfon uchun simsiz quvvatlagich mavjud. Yukxona hajmi 425 litr bo‘lib, orqa o‘rindiqlar yig‘ilganda u 1 335 litrgacha oshadi. Bundan tashqari, tashqi qurilmalarni elektr energiyasi bilan ta’minlash imkonini beruvchi Vehicle-to-Load funksiyasi mavjud (quvvati 3,3 kVt).

Krossoverning ikkita konfiguratsiyasi mavjud:

* Active - 122 kVt (164 ot kuchi), quvvati 7,8 kVt/soat bo‘lgan tortish batareyasi, toza elektr energiyasida yurish masofasi 40 km gacha, umumiy yurish masofasi - 930 km;

* Boost - 156 kVt (209 ot kuchi), tortish batareyasi sig‘imi 18 kVt·soat, toza elektr energiyasida yurish masofasi 90 km gacha, umumiy yurish masofasi - 1020 km. Boost versiyasining maksimal tezligi - 180 km/soat, 0-100 km/soat tezlanish - 7,5 soniya, WLTP bo‘yicha sarf - 1,8 litr/100 km.

Atto 2 DM-i Xitoydan oldin Yevropada paydo bo‘lgan kam sonli BYD gibridlaridan biriga aylandi.