Yangi Mitsubishi Pajero Sport taqdim etildi

Mitsubishi kompaniyasi yangi Mitsubishi Pajero Sport Ralliart versiyasini taqdim etdi. 

Ushbu vnedorojnik Ralliart uslubidagi qora va qizil aksentlar, shuningdek, Ralliart stikerlari bilan ajralib turadi. Xaridorlar Ralliart brendiga oid sovg‘alar — soyabon, ryukzak va kepka ham oladilar.

Mashina faqat White Diamond (oq olmos) rangida taqdim etiladi. U qora alyuminiy disklar, yaltiroq qora qanot kengaytmalari va bamperlar hamda qizil aksentlarga ega. Eng diqqatga sazovor tomoni — kuzov bo‘ylab qizil-qora Ralliart stikerlari va logotipi.

Ichki qismdagi o‘zgarishlar faqat qizil qirralari bo‘lgan gilamchalardan iborat. Sovg‘alar avtomobil narxiga kiritilgan bo‘lsa-da, bu mahsulotlarni Osiyodagi Ralliart rasmiy onlayn-do‘konida alohida sotib olish mumkin.

Texnik jihatdan avtomobil 2,4 litrli to‘rt silindrli turbodiesel dvigatel bilan jihozlangan bo‘lib, u 178 ot kuchi va 430 Nm aylanuvchi momentni ta’minlaydi. U sakkiz pog‘onali avtomatik uzatmalar qutisi bilan ishlaydi va model faqat orqa g‘ildirakdan harakatlanadi.

Mitsubishi Pajero Sport Ralliartning narxi—$39 300.