Yangilangan Hyundai Tucson mutlaqo yangi dizayn va 300 ot kuchiga ega dvigatelga ega sport versiyasini oladi

Keyingi avlod Hyundai Tucson yana yo‘l sinovlarida payqaldi. Qalin kamuflyaj bo‘lishiga qaramay, yangi model yanada burtak, masshtabli va “burchakli” dizaynga ega bo‘lishi aniq ko‘rinmoqda. Hozirgi Tucson’ning silliq aerodinamik ko‘rinishi o‘tmishda qoladi, yangi versiya esa haqiqiy “g‘ishtdek” qiyofaga ega bo‘ladi.

Bu ajablanarli emas: Hyundai Tucson bilan aynan Santa Fe’dagi kabi strategiyani qo‘llayapti — avvallari sokin oilaviy krossover bo‘lgan Santa Fe hozir Land Rover Defender’ga o‘xshash burchakli avtomobilga aylanganidek.

Ichki makon hozircha sir tutilmoqda, ammo unda ham Santa Fe’dan olingan yechimlar bo‘lishi kutilmoqda. Texnik ma’lumotlar oshkor qilinmagan, lekin turbobenzin dvigatellari va gibrid tizimlar taklif etilishi ehtimoli yuqori. Shuningdek, Tucson N — haqiqiy “issiq” versiya paydo bo‘lishi haqida ham mish-mishlar bor. Insayderlarga ko‘ra, Hyundai taxminan 300 ot kuchiga ega gibrid tizim ustida ishlayapti, bu Tucson’ni Toyota RAV4 GR Sport’ga jiddiy raqibga aylantiradi. Tizim old g‘ildiraklar uchun benzin dvigateli, orqa o‘q uchun esa elektropogon’dan iborat bo‘ladi.

Loyiha tasdiqlansa, N-versiyasi 2027–2028 yillarda chiqadi. Yangi avlodning oddiy Tucson modeli esa 2026 yilda taqdim etilishi rejalashtirilgan.