Chevrolet Cobalt O‘zbekiston bozorida yetakchilikni davom ettirmoqda

UzAuto Motors iyul oyida zavoddagi rejalashtirilgan profilaktika tufayli qisqa muddat ishlab chiqarishni to‘xtatgan edi. Avgust oyida esa savdolar tiklanib, bozor yana jonlandi.

Avgust 2025-yilda O‘zbekistonda (Damas va Labo kabi tijorat modellarisiz) jami 25 555 ta yangi yengil avtomobil sotildi. Statistika mamlakatda ishlab chiqarilayotgan yirik brendlar – Chevrolet, Kia, BYD, Chery, Haval, Hyundai, Isuzu ma’lumotlariga asoslanadi.

Yetakchilikni yana Chevrolet Cobalt qo‘lga oldi. Avgust oyida xaridorlarga 12 057 dona Cobalt topshirildi. Bu iyul oyiga nisbatan 68% ko‘p bo‘lib, o‘shanda UzAuto Motors zavodi profilaktika sababli vaqtinchalik to‘xtagan edi.

Ushbu natija ishlab chiqarish tiklangani va ayniqsa oldindan buyurtma qilingan avtomobillar mijozlarga yetkazib berilgani bilan izohlanadi.

2025-yilning yanvar–avgust oylarida O‘zbekistonda jami 172 747 ta yangi yengil avtomobil sotildi. Ulardan 86 830 tasi Chevrolet Cobalt bo‘lib, bu segmentning yarmidan ko‘prog‘ini tashkil etadi. Chevrolet’ning umumiy bozor ulushi esa 73,88% ga teng.

 Shu bilan birga, boshqa mashhur modellar sotuvlarida pasayish kuzatildi:

• Tracker –23%;
• Onix –16%;
• Sonet –4%;
• Chazor –12%;
• Song Pro –27%;
• Malibu –29%;
• Chery Tiggo 7 Pro –33%;