UzAuto avtomobillari endi qimmatlashgani haqida 15 kun oldin bilib olasiz
10.09.2025 / 09:24Yangi qonunga ko‘ra, avtomobil narxlari o‘zgarishidan oldin xaridorlar erta xabardor qilinadi.
O‘zbekistonning yangi “Raqobat to‘g‘risida”gi qonuniga ko‘ra, 2023-yil 3-oktabrdan boshlab UzAuto Motors avtomobil narxlarini o‘zgartirishdan kamida 15 kun oldin e’lon qilishi shart.
Shu sababli avtomobillar narxi avval chevrolet.uz saytida paydo bo‘ladi, shartnomalar esa biroz vaqt o‘tib ochiladi. UzAuto Motors yengil avtomobillar segmentida yetakchi o‘rin egallagan korxona sifatida davlat reyestriga kiritilgan.
2025-yil yanvarida Chevrolet Cobalt uchun shartnomalar ochilgan edi va butun ishlab chiqarish hajmi 2025-yilning kuzigacha sotib bo‘lingan. Yaqin kunlarda Cobalt yangilangan modeli taqdim etilishi kutilmoqda. Ehtimol, shartnomalar sentabrda ochiladi. Bunday holda narxlar 16-sentabrdan kechiktirmay e’lon qilinadi.
Bizning Telegramga obuna bo'ling
