Xitoyda yangi mashinalar uchun chegirmalar keskin kamaydi

2026 yildan boshlab Xitoyda yangi energiya manbalarida ishlaydigan avtomobillarni xarid qilish uchun beriladigan chegirmalar qisqarishi sababli, avtomobil ishlab chiqaruvchilar xaridorlarni jalb qilish maqsadida uzoq muddatli kredit dasturlarini faol qo‘llay boshladi.

Tesla 7 yillik past foizli kredit dasturini ishga tushirdi. 0,98% foiz stavkasiga ega ushbu dastur Model 3 va Model Y modellarini qamrab oladi. Model 3’ning orqa yetakchi versiyasi uchun boshlang‘ich to‘lov $11 489 dan bo‘lib, oylik to‘lov 84 oy davomida $275 tashkil etadi. Xiaomi ham shu yo‘ldan bordi. Kompaniya Xiaomi YU7 va Xiaomi SU7 modellari uchun 7 yillik, 1% foizli kredit dasturini taklif qilmoqda. Boshlang‘ich to‘lov $7 175 dan boshlanadi, oylik to‘lovlar esa $373 dan yuqori.

Li Auto, XPeng, Geely va boshqa avtomobil ishlab chiqaruvchilar ham cheklangan muddatga mo‘ljallangan moliyaviy dasturlarni ishga tushirdi. Ushbu dasturlarda boshlang‘ich to‘lov $4 673 dan boshlanadi va dastlabki uch yil davomida foizsiz shartlar taklif etiladi.

Xitoy yengil avtomobillar assotsiatsiyasi ma’lumotlariga ko‘ra, 1–18 yanvar oralig‘ida ichki bozorda yengil avtomobillarning chakana savdosi 679 ming donani tashkil etdi. Yangi energiya manbalarida ishlaydigan avtomobillar savdosi esa 312 ming donaga yetdi. Bu ko‘rsatkichlar o‘tgan yilning shu davriga nisbatan mos ravishda 28% va 16% ga kamaygan.