Toshkentda bir ko‘cha bir necha kunga yopiladi

Toshkent shahri Olmazor tumanidagi bir ko‘chada vaqtincha transport harakati cheklanadi. Bu haqda tuman hokimligi matbuot xizmati xabar berdi. 

Harakat cheklovi “Talabalar festivali” o‘tkazilishi munosabati bilan joriy etiladi. 2025-yil 19-may soat 20:00 dan 23-may soat 00:00 gacha quyidagi yo‘l yopiladi:

Farobiy ko‘chasi – Universitet ko‘chasi bilan kesishgan nuqtadan Talabalar ko‘chasi bilan kesishgunga qadar. Haydovchilarga aylanma yo‘llardan foydalanish tavsiya etildi.