45 nafar voyaga yetmagan bola ijaraga olingan mashinada qo‘lga tushdi

Ichki ishlar vazirligi matbuot xizmati xabar berishicha, Namangan viloyatida YTHlarning oldini olish va YHQning qo‘pol buzilishlarini to‘xtatish maqsadida kuchaytirilgan reydlar o‘tkazilmoqda.

- bir sutka ichida ikki mingdan ortiq qo‘pol qoidabuzarlik aniqlandi;

- 756 ta transport vositasi jarima maydonchasiga joylashtirildi;

- 45 ta holatda avtomobillar voyaga yetmaganlarga ijaraga berilgani aniqlangan.

Shuningdek, 394 ta haydovchi tegishli hujjatlarsiz mashina boshqargan.

Huquq-tartibot organlari bunday holatlar nafaqat qonunbuzarlik, balki jiddiy xavf tug‘dirishini ta’kidlab, avtomobil egalarini ijaraga berishda yanada mas’uliyatli bo‘lishga chaqirmoqda.