Toshkentda Qo‘yliq bozori yaqinida yangi yo‘l o‘tkazgichlar qurib bitkazildi

Toshkent halqa avtomobil yo‘li bo‘ylab joylashgan, Farg‘ona yo‘li ko‘chasi va Bektemir shossesini bog‘lovchi yangi yordamchi yo‘l o‘tkazgichlarning qurilishi yakunlandi.

Loyiha doirasida:

- ikkita yangi yo‘l o‘tkazgich barpo etildi;

- yerosti piyodalar o‘tish yo‘lagi uzaytirilib, modernizatsiya qilindi;

- 57 350 m² asfalt yotqizildi;

- 178 ta yoritish ustuni o‘rnatildi;

- 15 000 m² piyodalar yo‘laklari barpo etildi.

Mazkur loyihaning amalga oshirilishi natijasida yo‘lning o‘tkazuvchanlik hajmi kuniga 10 ming avtomobilgacha oshdi, bu esa avvalgi ko‘rsatkichdan 20% ko‘proq.