O‘zbekistonda metan narxi keskin oshdi

1-maydan boshlab O‘zbekistonda avtomobillarga mo‘ljallangan metan gazi narxi keskin oshdi. Avval 1 800 so‘m bo‘lgan tarif metan zapravkalar (AGNKC) uchun 2 500 so‘mga yetdi. Shuningdek, metanga qo‘shilgan aktsiz solig‘i ham 72 so‘mga oshirildi.

Shu bilan birga, zapravkalar narxni yanada ko‘proq – 1 250 so‘mga oshirib, 1 kubometrni — 5 200 so‘mdan sotishni boshladi. Narxlar barcha zapravkalarda bir xil bo‘lgani sababli, bu holat kartel kelishuvi yoki narxlarni muvofiqlashtirilgan holda belgilanishiga oid shubhalarni kuchaytirdi.

Metan narxining 31,6% ga oshishi aholiga bevosita ta’sir qiladi: transport xarajatlari oshadi, bu esa oziq-ovqat, taksi, jamoat transporti va boshqa xizmatlar narxiga ham ta’sir o‘tkazadi.