O‘zbekistonda xorijiy avtomobillar va ishlatilgan elektrokarlar savdosi oshdi

2025-yil mart oyida O‘zbekistonda avtomobil bozorida umumiy savdo hajmi pasaygan bo‘lsa-da, xorijiy yengil avtomobillar va ishlatilgan elektrokarlar segmentida o‘sish kuzatildi.

Umumiy avtomobil savdosi o‘tgan oyga nisbatan 3% ga kamayib, 76,8 ming dona avtomobilni tashkil etdi. Asosiy tushum beruvchi bo‘lgan yengil avtomobillar birlamchi bozorida savdolar 6% ga kamayib, 22,4 ming donaga teng bo‘ldi.

Shunga qaramay, xorijiy yengil avtomobillarga bo‘lgan talab ortishda davom etmoqda — mart oyida bu segmentda savdo 28% ga oshib, 2,7 ming dona avtomobil sotildi.

Ikkinchi bozorda esa umumiy faollik 2% ga kamayib, 42,5 mingta avtomobil sotilgan. Biroq bu fonda ishlatilgan elektrokarlar bozori ijobiy dinamika ko‘rsatdi — ularning savdosi 10% ga oshib, 1,8 ming donaga yetdi. Yillik hisobda esa bu ko‘rsatkich uch baravarga oshgan.

Eslatib o‘tamiz, 2025-yil fevralida esa bozor umumiy pasayishni, ayniqsa, xorijiy avtomobillar segmentida keskin tushishni, ammo mahalliy avtomobillar sotuvining barqarorligini ko‘rsatgan edi.