O‘zbekistonda gibrid avtomobillar importiga bojxona cheklovlari kutilmoqda

Jamoat faoli Rasul Kusherbayevning ma’lum qilishicha, O‘zbekiston hukumati ketma-ket gibrid avtomobillarni (REEV — Range Extended Electric Vehicle) endilikda alohida TIF TN (Tovar nomenklaturasi) kodi orqali rasmiylashtirishni rejalashtirmoqda. Bu esa maxsus bojxona tartiblarini joriy etishni anglatadi.

Yangi tartibdan ko‘zlangan maqsadlar:

- transport vositalarining to‘g‘ri klassifikatsiyasi;

- belgilangan bojxona to‘lovlarini undirish;

- davlat byudjetiga qo‘shimcha tushum kiritish.

Biroq ayrim ekspertlar va importchilar bu o‘zgarishlarni salbiy baholashmoqda. Ularning fikricha: bojxona to‘lovlari REEV avtomobillari importini kamaytiradi, natijada import pasayadi, balki utilizatsiya yig‘imlari (utilsbor) ham kamayadi va byudjetga zarar yetkazishi mumkin.

Hozircha hukumat bu borada rasmiy bayonot bermagan.