Tesla yangi Model Yning eng arzon variantini taklif qildi

Tesla rasmiy tarzda yangi Model Y’ning eng arzon versiyasini — Long Range Rear-Wheel-Drive (uzoq masofaga yuradigan orqa g‘ildirakdan tortuvchi) variantini taqdim etdi.

Bu modelning boshlang‘ich narxi soliq imtiyozlaridan oldin — $44 990 ni tashkil etadi, bu esa uni xaridorlar uchun jozibador qiladi. AQShdagi soliq kreditlarini hisobga olganda, narx — $37 490 gacha tushadi. Yangi modelga buyurtmalar ochilgan va dastlabki yetkazib berishlar 3-5 hafta ichida boshlanadi.

Long Range Rear-Wheel-Drive versiyasi: 575 km yurish zaxirasiga, maksimal - 200 km/soat tezlikka va 0 dan 100 km/soatgacha - 5,4 soniyada tezlanishiga ega. Bu ko‘p g‘ildirakli All-Wheel-Drive (AWD) versiyasiga nisbatan bir oz sekinroq (AWD 4,6 soniyada tezlanadi), ammo bir zaryad bilan 526 km yuradi.

Bundan tashqari, Tesla yangi Model Y interyerini ham yangiladi — shovqinni kamaytirish uchun akustik oynalar o‘rnatildi, ichki bezak uchun esa hashamatli materiallar ishlatildi. Endi salon isitish va sovitish funksiyasiga ega o‘rindiqlar bilan jihozlangan, shuningdek, eshiklarning shovqin izolyatsiyasi ham yaxshilangan.