Avtomobil narxida chiroyli avtoraqam sotildi

O‘zbekistonda prestijli avtomobil raqami auksionda rekord darajadagi — 422,3 mln so‘mga sotildi.

E’tiborlisi shundaki, ushbu lotning boshlang‘ich narxi atigi — 1,9 mln so‘m bo‘lgan. O‘zbekiston Respublikasi tovar-xomashyo birjasi ma’lumotlariga ko‘ra, 2-may kuni o‘tkazilgan savdolarda jami — 752 ta avtomobil davlat raqami sotilgan. 

Ulardan — 707 tasi jismoniy shaxslarga, 45 tasi esa yuridik shaxslarga to‘g‘ri keladi. G‘olib xaridorlar raqamlarni rasman rasmiylashtirish va to‘lovni amalga oshirish uchun SBDTga murojaat qilishlari lozim.