O’zbekistonda AI-80 benzin sotuvi to‘xtatildi

Uzbekneftegaz AJ 2-sentabrdan boshlab AI-80 benzinini birja savdolarida sotishni to‘xtatdi. Kompaniya o‘rniga yuqori oktanli AI-92 benzinini ko‘proq hajmda taklif qilmoqda.

Agar ilgari bir kunda 1 000 tonna AI-92 savdoga chiqarilgan bo‘lsa, bugungi kunda bu ko‘rsatkich 1 720 tonnaga yetdi. Ichki bozor talabi ortishi sabab kelgusida bu hajmni yana oshirish imkoniyati mavjudligi aytilmoqda.

Shu bilan birga, tadbirkorlar avgust oyida xarid qilgan AI-80 benzini zaxiralardan kelib chiqib, sentabr oyida ularga yetkazib beriladi.