MG va General Motors $12 mingga oilaviy elektromobil ishlab chiqarishdi

MG Windsor — keng salonga va boy jihozlarga ega bo‘lgan arzon elektr miniven. Elektromobil — 136 ot kuchiga ega motor bilan ta’minlangan bo‘lib, uning yurish zaxirasi — 300 km dan oshadi. 

Ushbu arzon elektr miniven 3-oktabrdan boshlab — $11 900 narxda bozorga chiqadi. Yangi MG Windsor — original dizaynli ixcham miniven. Unda katta old bamper, qisqa kapot va ingichka LED faralar mavjud, old oynasi esa katta burchak ostida joylashgan.

MG Windsor o‘lchamlari quyidagicha:

• uzunligi — 4295 mm;

• kengligi — 1850 mm;

• balandligi — 1652 mm;

• g‘ildirak bazasi — 2700 mm;

• og‘irligi — 1495 kg.

MG Windsorning asosiy jihozlariga: 6 ta xavfsizlik yostiqchasi, ESP va aylanma kamera tizimi, panoramali tom, o‘rindiqlarni ventilyatsiya qilish tizimi va 9 ta dinamikli ovoz tizimi kiradi.